Իսրայէլեան «Ճերուզալեմ Փոսթ» թերթը Ապրիլ 30ի թիւով, կը տեղեկացնէ, թէ Երուսաղէմի հայոց
պատրիարք Նուրհան արք. Մանուկեան, Կիրակի օր կայացած գիտաժողովի մը ընթացքին կոչ ըրած
է Իսրայէլի իշխանութիւններուն, որ անյապաղ ճանչնան Հայկական Ցեղասպանութիւնը: Մանուկեանի
կոչը Հրէական համալսարանին մէջ կարդացուած է նոյն համալսարանէն ներս գործող Հայագիտական
ուսմանց ծրագիրի հիմնադիր փրոֆ. Մայքըլ Սթոնի կողմէ: