Imzot George Frendo: në Shqipëri, marrëdhënie të mira ndërmjet të krishterëve e myslimanëve,
por duhet bashkëpunuar më shumë
“Panorama ndërkombëtare ka ndryshuar shumë pas ‘pranverave arabe’ të Egjiptit e Tunizisë,
pas luftës në Libi, pas shpërthimit sirian e pasojave të tij në gjithë Lindjen e Mesme”:
kështu pohoi kardinali Zhan-Pier Rikard, duke hapur dje, punimet e Takimit të tretë
të ipeshkvijve dhe të delegatëve të Konferencave Ipeshkvnore të Evropës për marrëdhëniet
me myslimanët. Deri nesër, në qendër të vëmendjes, në Londër, kumtimi i Ungjillit
në kontekstin e dialogut me myslimanët. Nga ana e tij, kreu i Këshillit Papnor
për dialogun ndërfetar, kardinali Zhan Lui Turan, kujtoi rëndësinë që pati për dialogun
me myslimanët, vizita e Papës Benedikti XVI në Liban, takimi i tij me krerët islamë
dhe ngritja e Qendrës Ndërfetare në Vienë të Austrisë. Kjo e fundit shërben edhe si
kanal për të denoncuar dhunimin e lirisë fetare e për të inkurajuar përvojat pozitive.
E tillë është përvoja e Shqipërisë, siç theksoi sot pasdite në Takim, përfaqësuesi
i Konferencës Ipeshkvnore Shqiptare, imzot George Frendo, ipeshkëv-ndihmës i kryedioqezës
metropolite të Tiranë-Durrësit. Pikërisht, nga Londra, ai na flet për takimin, por
edhe për marrëdhëniet ndërmjet të krishterëve e myslimanëve shqiptarë. Ta dëgjojmë….