ቦሊቪያ፦ ብፁዓን ጳጳሳት ኣገልገልቲ ሕዝበ እግዚኣብሔር እያቶም

ኣብ ቦሊቪያ ርእሰ ብሔር ሞራለስ ገለ ገለ ብፁዓን ጳጳሳት ናይቲ ኣብ ገለ ገለ ኣቢያተ ክርስቲያን ዝተዘርፈ ንብረት ተሓተቲ ገዛእ ርእሶም እያቶም እንክብሉ ዝፈነውዎ ወቐሳ ናይ ቦልቪያ ናይ ሳንታ ክሩዝ ሊቀ ጳጳሳት ብፁዕ ካርዲናል ኹልዮ ተራዛዝ መሰረት ዘይብሉ ክሲ እንክብሉ ነጺጎም ዝኾነ ይዅን ጳጳስ ኣገልጋሊ ቤተ ክርስቲያን እዩ፣ እቶም ኣብ ቦሊቪያ ዝርከቡ ጳጳሳት ኣገልገልቲ ቤተ ክርስቲያኖምን ር.ሊ.ጳ. እዮም፣ ቤተ ክርስቲያን ዝዓጽዉን ዝኸፍቱን መፍትሕ ኣብ ጅባኦም ዝሕዙ ማለት ዘይኮነስ ንሕዝበ እግዚኣብሔርን ንዝተናዕቁን ንዝተነጸሉን ኣብ ሕሱም ድኽነት ንዝርከቡ ዘገልግሉ ከምዝኾኑን ሰብኣዊ ነጻነት ብማንም ክገሃስ ዘይብሉ ካብ እግዚኣብሔር ዝተዓደለ ጸጋ ምዃኑን ዝምስክሩን ሕዝቢ እቲ ዝተዓደሎ ነጻነቱ ብማንም ከይምንዛዕን ከይገሃስን ክተግህ ዘስተምህሩን ዝምዕዱን ዝሓንጹን ጓሶት እያቶም” እንክብሉ ቅድሚ ትማሊ ንናይ ቦሊቪያ ብፁዓን ጳጳሳት ቤት ምኽሪ ኣብ ዝተሓላለፍዎ መልእኽቲ ገሊጾም፣ ብዘይ መረጋግጺ ኣብ ልዕሊ ዝኾነ ይዅን ጳጳስን ካልእ ሰብ እውን ወቐሳ ምንዛሕ ጌጋ ምዃኑን መንግስቲ ቦሊቪያ ገለ ገለ ብፁዓን ጳጳሳት ተሓባበርቲ እንክብል ዘቕርቦ ዘሎ ክሲ መፍትሒ ንዝተሓላለኸ ጉዳይ ቦሊቪያ ከምዘይኮነን ኣብ ልዕሊ ኣቢያተ ክርስቲያን ናይ ገበን ጉጅለታት ዝፍጽምዎ ዘለዎ ዘረፋ ደው ክብል ምእመናን ኣቢያተ ክርስቲያኖም ክሕልዉ ጻውዒት ከምዘቕረቡ ፊደስ ናይ ዜና ኣገልግሎት ሓቢሩ።