Францішак да бежмаваных: ісці за Панам - гэта шлях са шматлікімі перашкодамі
28 красавіка, у першай
палове дня, папа Францішак цэлебраваў св. Імшу на плошчы св. Пятра ў Ватыкане, падчас
якой удзяліў сакрамэнт бежмавання 44 маладым людзям, з розных краін свету. Сярод іх
было двух беларусаў: Эдуард Зелянко і Ірына Юневіч з мінскай парафіі Найсвяцейшай
Тройцы. У гаміліі Святы Айцец адзначыў, што Дух Святы, які сыходзіць ад Бога,
прыходзіць да нас і робіць новымі ўсе нашы рэчы, нас перамяняе. “Усё стае новым,
ператавараецца ў дабро, прыгажосць, у праўду; ужо няма больш нараканняў і жалобы”,
- адзначыў Папа. Францішак падкрэсліў, што Дух Святы перамяняе свет у якім мы жывём
таксама і праз нас. “Адкрыем яму дзверы, дазволім Яму, каб кіраваў намі, дазволім
, каб Яго безупыннае дзеянне зрабіла нас новымі людзьмі, каб нас ажыўляла Божая любоў,
якую дае нам Дух Святы”, - сказаў Святы Айцец. Пантыфік адзначыў, як было б прыгожа,
каб бежмаваныя маглі сказаць вечарам: сёння ў школе, дома, на працы будучы ведзены
Богам, я зрабіў жэст любові адносна маіх сяброў, бацькоў і старэйшых асоб.
“Шлях
Касцёла, як таксама наш асабісты хрысціянскі шлях, не заўсёды лёгкія, бо сустракаюць
цяжкасці і нягоды. Ісці за Панам, дазволіць, каб Яго Дух ператаварыў нашы зоны ценя
і нашы паводзіны, якія не адпавядаюць волі Бога, і каб абмыў Ён нашы грахі- гэта
шлях, які сутыкаецца са шматлікімі перашкодамі, якія існуюць па-за намі, у свеце,
у якім жывём, які часта нас не разумее, але таксама і ўнутры нас, у нашых сэрцах.
Але цяжкасці і нягоды, з’яўляюцца часткай дарогі, якая вядзе да славы Бога, так як
у выпадку Езуса, які быў праслаўлены на Крыжы; мы іх заўсёды будзем сустракаць у
сваім жыцці”, - перасцярог Папа.
Затым Святы Айцец звярнуўся да маладых людзей,
якія прынялі сакрамэнт хрысціянскай сталасці. Ён іх заклікаў, каб трывалі на шляху
веры, з цвёрдай надзеяй ў Пана. “Ён дае нам адвагу ісці супраць плыні. Калі мы будзем
аб’яднаныя з Богам, як галінкі злучаныя з вінаграднай лазой, калі мы не страцім сяброўства
з Ім, калі мы будзем рабіць ўсё больш месца Яму ў нашым жыцці, тады не сустрэнем цякасцяў,
нягод і непаразуменняў, якія маглі б нас палохаць. Калі мы адчуваем сябе беднымі,
слабымі, грэшнымі тады мы павінны звярнуцца да Бога, які дае сілу нашым слабасцям,
багацце нашай беднасці, навяртанне і прабачэнне нашых грахоў. Мейма давер у дзеянне
Бога. З Ім мы можам рабіць вялікія справы і мы будзем адчуваць радасць быцця яго
вучнямі, яго сведкамі”, - сказаў Пантыфік.
На канец Францішак заклікаў бежмаваных,
каб шырока адкрылі дзверы свайго жыцця на навіну Бога, якую прыносіць Святы Дух, каб
яна ператварыла іх, зрабіла іх моцнымі ў нягодах і ўмацавала адзінства з Панам,а таксама
іх моцнае сяброўства з Ім, бо гэта сапраўдная радасць.