Кардынал Бэртонэ: абвяшчаць Хрыста аж да краю зямлі
“Кожны біскуп і прадстаўнік
Папы павінен заўсёды нястомна абвячшаць любоў Хрыста аж да канца свету”, - сказаў
кардынал Дзяржсакратар Тарчызіо Бэртонэ. Іерарх 27 красавіка вечарам узначаліў св.
Імшу ў Ватыканскай базыліцы св. Пятра падчас якой ўдзяліў біскупскую сакру тром новым
Апостальскім нунцыям: Этторэ Балестрэра з Італіі, Міхаэлю Банаху са ЗША і Брыяну Удайгвэ
з Камеруна. Яны будуць дыпламатычнымі прадстаўнікамі Святога Пасаду ў Калумбіі,
Папуа-Новая Гвінэа і ў Беніне.
Падчас літургіі найбліжэйшы супрацоўнік Папы
гаварыў аб неабходнасці служэння аж па крыж. “Аддаць сваё жыццё значыць быць гатовым
скласці ў служэнні іншым дары, якія мы атрымалі ад Бога”, - сказаў кардынал Бэртонэ.
Ён падкрэсліў, што мы часта лёгка ў дары аддаем матарыяльныя рэчы, аднак нам на многа
цяжэй служыць тым, хто шукае ісціны. “Мы павінны запальваць святло ў сэрцах тых, хто
ходзіць у цемры, сеяць мір, радасць і надзею ў тых, хто пакутуе ад адзіноты, цяжкасцяў
ці несправядлівасці”, - адзначыў высокі ватыканскі іерарх. На канец кардынал Бэртонэ
нагадаў словы папы Францішка, які сказаў, што хрысціяне павінны асвятляць памежныя
сітуацыі, перыферыі, у якіх вернікі найбольш падвяргаюцца нападам з боку тых, хто
хоча адабраць ад іх веру.