Важны ўклад Каталіцкага
Касцёла на Мадагаскары ў дыялог быў адзначаны падчас аўдыенцыі папы Францішка для
Прэзідэнта Вышэйшай пераходнай адміністрацыі краіны Андры Нірына Радзуэліна. Яна прайшла
26 красавіка. Мадагаскарскі палітык сустрэўся таксама з кардыналам Дзяржсакратаром
Тарчызіо Бэртонэ. Падчас сустрэч былі падкрэслены добрыя стасункі паміж Святым Пасадам
і Рэспублікай Мадагаскар і абмеркаваны найбольш важныя пытанні, звязаныя з сітуацыяй
ва ўсходне-афрыканскай астраўной дзяржаве і ўсталяваннем стабільнасці і дэмакратыі
ў ёй. Гаворка ішла таксама пра эканамічныя праблемы і жаданне Мадагаскара аднавіць
міжнародныя адносіны.
Падчас сустрэч было падкрэслена, што Каталіцкі Касцёл
у краіне дзейнічае на карысць падтрымкі дыялогу і дапамагае развіццю такіх сектараў
грамадскага жыцця, як ахова здароўя і адукацыя.
Насельніцтва Мадагаскара складае
каля 21 млн. чалавек. 45 % грамадзян краіны вызнаюць хрысціянства: палова з іх – католікі.