25 prill 1993 – 25 prill 2013. Ministri i jashtëm i Shqipërisë flet për 20 vjetorin
e vizitës së Papës Gjon Pali II
Nesër, 25 prill, mbushen plot 20 vjet që nga vizita e Papës së dashur Gjon Pali II
në Shqipëri. Ishte hera e parë, që një Papë shkelte në atdheun e shqipeve, për të
rimëkëmbur Kishën e syrgjynosur nëpër kampet e përqendrimit komunist e në skutat më
të thella të zemrës së njerëzve, që kurrë nuk harruan se ka Zot e vazhduan t’i luteshin
me shpirt. Tashmë i Lum, Papa Vojtila ndodhet pranë Atit Qiellor së bashku me tri
nga katër ipeshkvijtë e parë, që shuguroi në atë ditë të paharruar të 25 prillit 1993.
Rilindte Kisha e edhe demokracia, siç kujton në mikrofonin e don David Gjugjës, ministri
i jashtëm i Shqipërisë, Aldo Bumçi, duke folur për vlerat e atij takimi të popullit
shqiptar me Papën polak, protagonistin e shembjes së komunizmit….