ֆրանչիսքեան Հայրերու Վանքն Ու Եկեղեցին Կործանուած՝ Տէյր էլ Զօրի Մէջ- Սուրիա։
ֆրանչիսքեան հայրերու վանքն ու եկեղեցին կործանուած են, ռումբի մը պայթումի հետեւանքով
( յայտարարած է հայր Թոնի Հատտատ՝ Միջին Արեւելքի ֆրանչիսքեաններու փոխ պատասխանատուն)։
Ան հաստատած է որ այդ շրջանին մէջ, ամիսներէ ի վեր ոչ մէկ քրիստոնեայ կ'ապրի եւ ֆրանչիսքեան
հայրերն ու Կալկաթայի մայր Թերեզայի երկու քոյրերը վնաս չեն կրած։ Յայտնենք որ ֆրանչիսքեան
հայրերը 1930էն ի վեր այդ շրջանին մէջ բնակութիւն հաստատած են, սակայն ֆրանչիսքեան միաբանութիւնը
հինուց ի վեր գոյութիւն ունեցած է Միջին Արեւելքին մէջ, եւ վերջին չորս դարերուն ֆրանչիսքեան
միաբանութիւնը կրած է բազմաթիւ աւերներ ու հալածանք սակայն միշտ Յարութիւն առած է, Քրիստոսի
նման։