Imzot Anxhelo Masafra për festimet e 20-vjetorit të vizitës së të Lumit Gjon Pali II në Shqipëri

Më 25 prill, Kisha Katolike dhe i gjithë populli shqiptar festojnë 20-vjetorin e vizitës së Papës së lum Gjon Pali II në Shqipëri. Gjatë tri ditëve të fundit të javës, janë parashikuar veprimtari të ndryshme, në të cilat do të marrë pjesë edhe ish-sekretari personal i Papës Vojtila, kardinali Stanislao Xhivish, tashmë kryeipeshkëv i Krakovisë. Kardinali do të kryesojë meshë në Tiranë e në Shkodër. Të shtunën, në kryeqytet do të mbahet një konferencë për të përkujtuar 1700-vjetorin e Ediktit të Milanos, me të cilin perandori Kostandin e linte të lirë shprehjen e fesë së krishterë. Më hollësisht për programin e këtyre ditëve, të dëgjojmë kryetarin e Konferencës Ipeshkvnore të Shqipërisë, imzot Anxhelo Masafra….