Новаабраны Прэзідэнт
Венесуэлы Нікалас Мадура і лідэр апазіцыі Энрыке Капрылес адрэагавалі на словы папы
Францішка, сказаныя ім пасля малітвы “Regina Caeli” 21 красавіка. Святы Айцец паведаміў
аб сваёй заклапочанасці палітычным крызісам у Венесуэле. У мінулую нядзелю Пантыфік
заклікаў венесуэльскі народ, і асабліва палітыкаў, “цвёрда адмовіцца ад любога насілля”
і ўсталяваць дыялог, заснаваны на праўдзе і ўзаемнай павазе. Рэакцыя вядучых венесуэльскіх
палітыкаў не прымусіла чакаць доўга. Амаль адразу Нікалас Мадура пракаментаваў словы
Святога Айца на сваёй старонцы ў “Твітэры”. Ён адзначыў, што “згодны з папам Францішкам”
і “занепакоены неталерантнасцю, нянавісцю і насіллем”, якія прывялі да смерці і цярпення
людзей. “Разам з Папам будзем прасіць Хрыста Збаўцу і св. Францішка Асізскага, каб
іх благаслаўленне абараніла народ, і наступіў мір”, - напісаў венесуэльскі палітык.
Таксама лідэр апазіцыі, Энрыка Капрылес, выказаў падзяку Святому Айцу праз
свой профіль ў “Твітэры”. “Мільён разоў дзякую папе Францішку за яго памяць пра нашу
Венесуэлу і пра неабходнасць пошуку рашэнняў, заснаваных на праўдзе”, - напісаў палітык.