Përvjetori i kushteve të përjetshme rregulltare të Papës Bergolio ndër jezuitë
Sot Papa Françesku përkujtoi 40-vjetorin e kushteve të përjetshme rregulltare në Shoqërinë
e Jezusit. Ishte data 22 prill e vitit 1973. 22 prilli është një nga datat klasike,
në të cilën jezuitët bëjnë kushtet e fundit, në mbarim të periudhës së gjatë të formimit
të tyre rregulltar. E kjo, sepse më 22 prill të vitit 1542, Injaci i Lojolës dhe shokët
e tij të parë, bënë, në Romë, kushtet e përjetshme, pas miratimit të Urdhërit të
ri, asokohe në fasha, nga ana e Papës Pali III. E kjo ndodhi në Bazilikën e Shën Palit
jashtë Mureve të Romës, para asaj figureje të Zojës, ku u gjunjëzua Papa, në përfundim
të kremtimit solemn për marrjen në dorëzim të vetë Bazilikës, më 14 prillin e kaluar.