21 красавіка, пасля
малітвы “Regina Coeli”, Святы Айцец звярнуў увагу сабраных на плошчы перад ватыканскай
базылікай на некаторыя міжнародныя праблемы, турбуючыя яго. Францішак адзначыў, што
“уважліва сочыць за падзеямі, што адбываюцца ў Венесуэле”, дзе нарастае паслявыбарчы
крызіс. Пантыфік заявіў аб сваёй глыбокай заклапочанасці дадзенай сітуацыяй і прызнаўся,
што “інтэнсіўна моліцца” у інтэнцыі пошуку шляхоў справядлівага і мірнага пераадолення
“сур’ёзных цяжкасцяў”, якія перажывае краіна. Францішак заклікаў венесуэльскі народ,
і асабліва палітыкаў, “цвёрда адмовіцца ад любога насілля”, а таксама ўсталяваць дыялог,
заснаваны на праўдзе і ўзаемнай павазе, каб такім чынам весці пошук агульнага дабра.
“Я прашу вернікаў маліцца і працаваць для паяднання і міру”, - заклікаў Папа.
Святы
Айцец заявіў аб сваёй малітве за пацярпелых ад магутнага землятрусу ў паўднёва-заходняй
частцы Кітая, у выніку якога загінулі або прапалі без вестак па меншай меры 200 чалавек,
а ўсяго пацярпелі 11,5 тысяч чалавек, у тым ліку 960 сур’ёзна.
Францішак нагадаў,
што ў другой палове дня 21 красавіка у італьянскім Сандрыа будзе абвешчаны благаслаўлёным
кс. Нікола Руска, які жыў у XVI-XVII стагоддзях. Папа адзначыў, што гэта быў узорны
пастыр, якога забілі ў палітычнай і рэлігійнай барацьбе, што ахоплівала Еўропу ў той
час. “Мы дзякуем Пану за Яго сведчанне!”, - сказа Пантыфік.
Пасля марыйнай
малітвы Святы Айцец прывітаў усіх пілігрымаў, якія прыбылі ў Рым з розных краін і
запрасіў іх, у “Сусветны дзень малітваў аб пакліканнях”, заснаваны 50 гадоў таму па
“шчаслівай інтуіцыі” папы Паўла VI, да асаблівай малітвы, каб Пан паслаў шматлікіх
работнікаў на сваё жніво.