Հիւսիսային Քորէա Բանակցութիւններուն Վերսկսելու Համար ՄԱԿ-Էն Կը Պահանջէ Պատժամիջոցները
Ջնջել
Հիւսիսային Քորէայի մէջ Ազգային պաշտպանութեան յանձնախումբը յայտարարեց, որ ՄԱԿ պէտք
է պատժամիջոցները ջնջէ եւ Միացեալ Նահանգներ ու Հարաւային Քորէա «բոլոր թշնամական արարքները»
դադրեցնեն, եթէ կ՛ուզեն Փիոնկեանկի հիւլէական ծրագիրին վերջ տալու բանակցութիւններուն
վերսկսիլ` աւելցնելով, որ «ՄԱԿ-ի Ապահովութեան խորհուրդի հաստատած պատժամիջոցները պէտք
է ջնջել»: Միւս կողմէ, Միացեալ Նահանգներու արտաքին գործոց նախարար Ճոն Քերրի Ներկայացուցիչներու
տան մէջ իր արտասանած խօսքին ընթացքին յայտնեց, որ «Հիւսիսային Քորէայի հետ ճակատումին
խաղաղ լուծումը մեծապէս կախեալ է Չինաստանի մասնակցութենէն»` աւելցնելով, որ «եթէ Չինաստանը
չ՛ըլլար, Հիւսիսային Քորէան կը տապալէր»: