Папа прасіў італьянскіх біскупаў быць штодня побач з людзьмі
Святы Айцец прыняў
15 і 18 красавіка дзве групы іерархаў з паўночна-італьянскага рэгіёна Трывенета, якія
знаходзяцца ў Рыме з візітам “ad limina apostolorum”. Іерархі адзначылі “добры клімат
братэрскай любові”, які стварыў падчас сустрэч папа Францішак. Арцыбіскуп Удзінэ Андрэа
Бруна Мацаката, які размаўляў з Пантыфікам 18 красавіка, падзяліўся з Ватыканскім
радыё сваімі ўражаннямі ад сустрэчы. Паводле яго, Францішак паклаў акцэнт на тэму
пакліканняў, у першую чаргу да кансэкраванага жыцця – мужчынскага і жаночага. Папы
лічыць, што менавіта законнікі і законніцы павінны даць “выразнае сведчанне маладым
людзям, энтузіязм і жаданне вялікага выбару жыцця”. Паводле іерарха, у асобе Францішка
свет зразумеў, што “Касцёл мае запас унутранай духоўнасці”, які дазваляе яму пастаянна
абнаўляецца.
Святы Айцец бачыць гэта абнаўленне ў набліжэнні Касцёла да сучаснага
чалавека. Знаходзіцца штодня з людзьмі нашага часу, быць побач з імі, прасіў Пантыфік
італьянскіх біскупаў 15 красавіка, падчас сустрэчы з першай групай епіскапату Трывенета.
Арцыбіскуп Франчэска Маралья, Патрыярх Венецыі, які яе ўзначальваў, прывёў словы Пантыфіка
аб тым, што у Касцёла ёсць псіхалагічнае і сацыялагічнае вымярэнні, але яны ніколі
не павінны змяняцца пад уплывам рэчаіснасці ці людзей. Паводле іерарха, Францішак
з вялікай ветлітвасцю і прыязнасцю падзяліўся з біскупамі сваім вопытам, як пастыр,
які яшчэ некалькі тыдняў таму жыў і працаваў у душпастырскай рэальнасці Буэнас-Айрэса.
Арцыбіскуп
Трэнта Луіджы Брэсан падзяліўся, што падчас аўдыенцыі Святы Айцец слухаў біскупаў
з вялікай увагай. Яны пазнаёмілі Пантыфіка з рэлігійным жыццём паўночна-усходніх земляў
Італіі, а таксама з асаблівасцямі, якімі характарызуюцца мясцовыя дыяцэзіі, адна з
якіх, дастаткова вялікая колькасць пакліканняў да місійнай дзейнасці. Францішак, паводле
іерарха рэкамендаваў, каб у душпастырскай працы ўвага звярталася на прыгажосць хрысціянскай
веры.