՜՜Կանչուած ենք խստիւ պահել օրէնքը ու չխօսիլ մեր հաւատքին մասին՝՝։ Կրօնաւորուհի քոյր
Մարի Պրունօ, այն հազուագիւտ կրօնաւորուհիներէն է, որուն արտօնուած է կեցութիւն հաստատել
հիւիսային Լաւոսի մէջ, ուր քրիստոնեաները մեծ դժուարութեամբ կ'ապրին իրենց հաւատքը ու
անոնց արգիլուած է քարոզչութիւն կատարել, համայնավար ու աստուածամերժ վարչաձեւի ներկայութեան
պատճառաւ։ Կրօնաւորուհի քոյր Մարի Պրունոյի եւ այլ երկու կրօնաւորուհիներու ներկայութիւնը
ընդունուած է այդ շրջանի չքաւորներու, անկարներու եւ դժուար վիճակի մէջ գտնուող անձերուն
ի սպաս կատարած դաստիարակչական ու ընկերային գործունէութիւններուն։ Կրօնաւորուհի քոյր
Մարի Պրունօ հաստատած է որ հինգ տարիէ հիւիսային Լաոս կը գտնուինք Առաքելական դեսպանի
ու կառավարութեան խնդրանքին վրայ, մենք աղքատներով ու անկարներով կը զբաղինք տալով անոնց
խնամք ու սէր , սակայն իրաւունք չունինք կրօնական դաստիարակութիւն տալու։