Папата Фрањо му го честита роденденот на почесниот папа Бенедикт XVI

Овој вторник наутро папата Фрањо во телефонски разговор му го честита роденденот на неговиот претходник Бенедикт XVI. Ова го изјави гласноговорникот на Светата Столица, отец Федерико Ломбарди во вторник. Папата Фрањо се јави во Кастел Гандолфо, каде што Бендикт XVI со своите најблиски го прославува својот 86 роденден. Исто така во Кастел Гандолфо се наоѓа и постариот брат на почесниот папа, Георг Рацингер. На 19 април е денот кога Бенедикт XVI пред осум години беше интронизиран во Петровата служба.