16 красавіка Бэнэдыкт
ХVI адзначае 86-ы Дзень нараджэння. У летнюю рэзыдэнцыю Рымскіх Пантыфікаў у Кастэль
Гандольфа, дзе цяпер прабывае папа на пенсіі, надыходзяць віншаванні не толькі ад
кіраўнікоў дзяржаў і міжнародных арганізацый, але і простых людзей, якія адзначаюць
яго намаганні па абароне беднякоў, ненароджаных дзяцей і ахвяр педафіліі. Падчас
свайго пантыфікату, які пачаўся ў 2005 г., Бэнэдыкт ХVI здзейсніў 24 замежных падарожжы
і больш за 30 у межах Італіі. Быў нястомным крытыкам дыктатуры рэлятывізму і прыхільнікам
дыялогу з усімі, у тым ліку і няверуючымі. Знаходзячыся на Пасадзе св. Пятра, Бэнэдыкт
ХVI напісаў тры энцыклікі: “Deus Caritas est”, “Spe Salvi” і “Caritas in Veritate”,
і трылогію “Езус з Назарэта”.
Адзначыць разам з братам яго Дзень нараджэння
ў Кастэль Гандольфа прыбыў кс. прэлат Георг Ратцынгер.