Ngushëllimet e Papës Françesku për atentatet e Bostonit: tragjedi pa kuptim
Papa Françesku shpreh ngushëllimet e tij për viktimat e atentateve të djeshme në Boston,
gjatë maratonës. Në një telegram drejtuar kryeipeshkvit të qytetit, kardinalit Sean
O’Malley, Ati i Shenjtë thekson se është thellësisht i trishtuar për humbjen e jetëve
njerëzore e për të plagosurit rëndë, duke e quajtur ngjarjen “tragjedi pa kuptim”.
Papa lutet që paqja e Zotit të dikohet mbi viktimat e u qëndron afër atyre, që vuajnë
e sa e sa personave, të impenjuar në ndihmën e shpejtë. Në këtë çast të dhimbshëm,
përfundon telegrami, Papa Françesku lutet që qytetarët e Bostonit të qëndrojnë të
bashkuar e të mos e lënë veten në dorën e së keqes, duke e kundërshtuar atë me të
mirën e duke punuar për ndërtimin e një shoqërie më të drejtë e më të lirë.