Patrikana e Jerusalemit në audiencë te Papa. Imzot Twal: të bashkuar me Françeskun
për paqen në Lindje të Mesme
Paqja Paqja në Lindje të Mesme, situata e të krishterëve në këtë rajon, por edhe kriza
siriane. Këto janë disa nga temat për të cilat u fol në audiencën e sotme të Papës
Françesku me Lumturinë e Tij imzot Fouad Twal, Patrik i Jerusalemit të Latinëve, shoqëruar
nga vikari e kryeipeshkvi i Tunizit, imzot Ilaria Antoniazzi. Një takim që në të gjithë
la një shenjë shprese e gëzimi. “Sot te Papa ka ardhur e tërë Patrikana e Jerusalemit,
ipeshkvijtë e saj e meshtarët e ri të saj, si për të përshëndetur Papën e po kështu
edhe për t’i folur për realitetin tonë”: kështu u shpreh imzot Fouad Twal në mikrofonin
e Radio Vatikanit, në mbarim të takimit privat me Papën Bergoglio. “Unë ish
vetëm në bisedë me të. Në njeri i përvujtë, i madh, që ka dhuratën e dëgjimit, që
pretendon se njeh gjithçka, që do të dijë më tepër e mirë për të ndihmuar situatën.
Një mbresë vëllazërore shumë e bukur, tejet e bukur...”. Ne lutemi për të,
ai lutët për ne, por në qendër të bashkëbisedimeve ishte situata në Lindje të Mesme.
Akoma imzot Twal: “Fola mbi situatën në Lindje të Mesme, pastaj fola edhe për
refugjatët sirianë, e thash se situata nuk është kaq e mirë sa që mendohet e duket
nga jashtë; fola edhe për situatën e Patriarkanës e fola për Seminarin që është i
mbushur plotë, faleminderit Zotit, e për shtegtarët që po bëjnë gjithçka është mundur
që të mos ndjehemi vetëm: të gjithë janë të mirëseardhur!”. Ne besojmë, shpresojmë
e po bëjmë ç’është e mundur për paqen në këtë rajon, shtoi imzot Twal.