Ֆրանչիսկոս Սրբազան Քահանայապետը կը Հանդիպի Սուրբ Աթոռի Պետական Քարտուղարութեան Անդամներուն:

Ուրբաթ 12 ապրիլին ֆրանչիսկոս Սրբազան Քահանայապետը բացառիկ այցելութիւն մը կատարեց Սուրբ Աթոռի քարտուղարութեան կեդրոն ուր հանդիպում ունեցաւ քարտուղարութեան պատասխանատուներուն ու աշխատաւորներուն հետ։ Հոս կը գտնուիմ - ըսաւ Ան - ձեզմէ ամէն մէկուն իմ սրտագին շնորհակալութիւնս յայտնելու ձեր տարած աշխատանքին համար։ Վաղը (շաբաթ 13 ապրիլ) Քահանայապետութեանս առաջին ամիսը կ՛ամբողջանայ ու գիտեմ թէ որքան նուիրումով աշխատեցաք այս շրջանին ու ասոր համար եկած եմ իմ երախտագիտութիւնս յայտնելու ձեզի։
Արդարեւ շաբաթ 13 Ապրիլին Պատմութեան 266-րդ Քահանայապետը ֆրանչիսկոս Պապը կ՛ամբողջացնէ իր քահանայապետութեան առաջին ամիսը.