Ֆրանչիսկոս Սրբազան Պապի Քահանայապետութեան Առաջին Ամիսը։
Շաբաթ 13 ապրիլի առաւօտեան ժամը 11-ին, ֆրանչիսկոս Սրբազան Քահանայապետը յաջորդաբար
ընդունեց` Եպիսկոպոսներու Ժողովի կառավարիչը կարտինալ Մարք Ուելլէն ու ապա Աշխաարհականներու
Քահանայապետական Խորհուրդի Նախագահը Կարտինալ Սդանիզլաւ Րիլքօն։ Ժամը 12-ին Նորին Սրբութիւնը
ունկնդրութիւն շնորհեց Մակի տնտեսա-ընկերային խորհուրդի նախագահ Նէսդոր Օզորիոյի։
Յայտնենք
որ այսօր` շաբաթ 13 ապրիլին կը նշուի ֆրանչիսկոս Պապի Քահանայապետութեան առաջին ամիսը։ Պատմութեան
266-րդ Քահանայապետը, ֆրանչիսկոս Պապը, այսօր կ՛ամբողջացնէ իր քահանայապետութեան առաջին
ամիսը։Արդարեւ Ան ընտրուեցաւ 13 մարտ 2013-ին։ Սիքստինեան մատրան ծխնելոյզի սպիտակ
ծուխը, 5րդ քուէարկումէն ետք, 13 մարտի երեկոյեան ժամը 19,06-ին կը յայտներ Քահանայապետի
ընտրութիւնը ու ապա ժամը 20,22-ին նորընտիր Պապը, Սուրբ Պետրոսի կեդրոնական պատշգամէն
''Հապէմուս Բաբամ'' բացագանչութեամբ կը յայտնուէր համայն աշխարհին ու կ՛օրհներ Սուրբ
Պետրոսի հրապարակը համախմբուած տասնեակ հազարաւոր ուխտաւորներն ու հաւատացեալները անոնցմէ
խնդրելով որ աղօթեն իրեն համար։