Ամերիկեան Մէյն Նահանգը Ընդունեց Եւ Ճանչցաւ Լեռնային Ղարաբաղի Հանրապետութեան Անկախութիւնը
Միացեալ Նահանգներու հիւսիսարեւելեան Մէյն նահանգի Ներկայացուցիչներու տունը եւ Ծերակոյտը
միացեալ բանաձեւ մը ընդունած են եւ ճանչցած Լեռնային Ղարաբաղի Հանրապետութեան անկախութիւնը:
Աւելի՛ն, ծերակուտականները կոչ ուղղած են Միացեալ Նահանգներու նախագահին եւ Քոնկրեսին`
աջակցելու Արցախի ինքնորոշման իրաւունքին եւ ժողովրդավարական անկախութեան: Բանաձեւը,
զոր ներկայացուցած է քոնկրեսական Սքոթ Համան, կը պահանջէ Օպամայէն եւ Քոնկրեսէն քայլեր
ձեռնարկել, որպէսզի Արցախը ներգրաւուի միջազգային հանրութեան մէջ, իսկ ռազմավարական կարեւոր
նշանակութիւն ունեցող այս շրջանին մէջ տագնապը արդար եւ վերջնական լուծում ստանայ: Մէյն
Միացեալ Նահանգներու երրորդ նահանգն է, որ այսպիսի բանաձեւ կ՛ընդունի: Նախապէս այսպիսի
նախաձեռնութեամբ հանդէս եկած էին Ռոտ Այլընտ եւ Մասաչուսեց