Святы Пасад умацоўвае намаганні ў сферы прадухілення адмывання грошай
Апостальская Сталіца
працягвае дыялог з Камітэтам Савета Еўропы па барацьбе з адмываннем грошай і фінансаваннем
тэрарызма “Moneyval”. 9 красавіка было вырашана, што наступную справаздачу аб кроках,
зробленых Святым Пасадам і Ватыканам у гэтай сферы, Камітэт прадставіць у снежні 2013
г. Акрамя таго, “Moneyval” прыняў прапанову Апостальскай Сталіцы, каб наступная справаздача
ўключала ў сябе не толькі “бягучыя рэкамендацыі”, але і “ключавыя”. Дзякуючы гэтаму
Святы Пасад хоча прадставіць поўную панараму мераў, прадпрынятых на працягу апошняга
года, з мэтай умацавання сваёй дзенасці ў сферы прадухілення адмывання грошай і фінансавання
тэрарызма. Мінулую справаздачу аб сітуацыі ў ватыканскіх фінансавых стуктурах “Moneyval”
прадставіў у ліпені 2012 г. Паводле звычайных працэдур кожная краіна абавязана прадставіць
у гэту арганізацыю справаздачу, якая абмяжоўваецца толькі “бягучымі рэкамендацыямі”.
У гэтым кантэксце жаданне Апостальскай Сталіцы, прадставіць справаздачу з “ключавымі
рэкамендацыямі”, пацвярджае яе намер працягваць канструктыўны дыялог з “Moneyval”
і ўмацоўваць сістэму барацьбы з адмываннем грошай і фінансаваннем тэрарызма.