“Дзякую за ваш жэст
блізкасці і любові. (...) Дзякую таксама, што моліцеся за мяне і прашу працягваць
малітву, у якой маю вялікую патрэбу”, - напісаў папа Францішак у лісце на адрас рымскай
“Caritas”, яго цытуюць 11 красавіка італьянскія СМІ. Такім чынам Пантыфік адказаў
на ліст ад хворых, бедных і бяздомных Вечнага гораду, які ўручыў Святому Айцу некаторы
час таму дырэктар “Caritas” Рымскай дыяцэзіі кс. Энрыка Ферочы.
Святар прызнаўся,
што сярод падапечных дабрачыннай арганізацыі вельмі горача абмяркоўваліся падзеі гэтай
вясны – адстаўка Бэнэдыкта ХVІ, канклаў і выбар папы Францішка. Ён паведаміў, што
ліст Святога Айца быў зачытаны бедным у сталоўках “Caritas” і быў прыняты з вялікім
энтузіязмам. Асабліва горача быў успрыняты зварот Папы да рымскіх беднякоў: “я ў вашым
распараджэнні”.