7 красавіка ў базыліцы
св. Яна на Латэране, якая з’яўляецца катэдрай Біскупа Рыма, адбыўся ўрачысты інгрэс
папы Францішка на рымскую кафедру. У цырымоніі прынялі ўдзел тысячы жыхароў Вечнага
горада., як таксама кардыналы, біскупы і святары. Пантыфіка прывітаў кардынал Агасціна
Валіні, папскі вікарый для Рымскай дыяцэзіі і арцыпрэсбітэр базылікі. У сваёй гаміліі
Папа нагадаў, што Касцёл сёння адзначае ІІ Велікодную нядзелю, якую называюць таксама
нядзеляй Божай Міласэрнасці. “Як прыгожая гэтая рэальнасць веры ў нашым жыцці, якой
з’яўляеца Божая міласэрнасць”, - сказаў Пантыфік. Ён падкрэсліў вялікую любоў Бога
да нас, любоў, якая не падманлівае, падтрымлмвае, кіруе намі. Святы Айцец адзначыў,
што Пан ніколі не ёсць нецярплівым як мы, якія ў сваім жыцці часта хочам мець ўсё.
“Бог цярплівы з намі, бо любіць нас, а хто любіць разумее, мае надзею, дае ўпэўненасць,
не пакідае, не паліць мастоў, ведае прабачыць”, - сказаў Францішак і дадаў, што Бог
нас заўсёды чакае, нават, калі мы адышлі ад Яго, і калі мы хочам вярнуцца да Яго,
Ён гатовы нас прыняць. “Вельмі важным з’яўляецца тое, каб мы мелі адвагу поўнасцю
даверыць сябе міласэрнасці Езуса, верыць ў Яго цярплівасць, хавацца ў раны яго любові”,
- адзначыў Пантыфік.
Папа нагадаў словы св. Бернарда, які казаў: “што рабіць,
калі маё сумленне грызуць мае шматлікія грахі?”. Адказ мы знаходзім у пасланні апостала
Паўла да Рымлянаў: “дзе памножыўся грэх, там яшчэ больш памножылася ласка”. Святы
Айцец нагадаў, што ў сваёй пастырскай дзейнасці яму часта прыходзіла чуць ад людзей:”
Ойча, я маю шмат грахоў”. “Я заўсёды іх суцяшаў: не бойцеся, ідзіце да Езуса, Ён
вас чакае, Ён дапаможа вам вырашыць ўсё”,- сказаў Пантыфік і дадаў, што для Бога
мы вельмі важныя, нават калі з’яўляемся грэшнікамі. Папа таксама нагадаў, што ў сваім
асабістым жыцці часта бачыў аблічча міласэрнага Пана і яго цярплівасць. “Я бачыў таксама
ў шматлікіх асоб адвагу, з якой яны хацелі ўвайсці ў раны Езуса, кажучы: Пане я тут,
прымі маю беднасць, схавай ў сваіх ранах мой грэх, абмыў яго тваёю крывёю”, - пахваліўся
Святы Айцец і дадаў, што Бог такога грэшніка прыняў, суцешыў, абмыў, палюбіў. На
канец Папа сказаў, што давяраючы Божай міласэрнасці таксама і мы станем больш здольнымі
да ўчынкаў міласэрнасці, цярплівасці, прабачэння і любові.