Ապրիլ եւ Մայիս ամիսներու ընթացքին։ Նորին Սրբութիւնը յառաջիկայ 7
ապրիլին, Սուրբ Զատկուայ Բ կիրակին, ( ժամը 17.30-ին) պաշտօնական արարողութեամբ կը ստանձնէ
Հռոմի Եպիսկոպոսի իր պաշտօնը, Հռոմի Լատերանեան Սուրբ Յովհաննէս Աթոռանիստ եկեղեցւոյ
մէջ։ 14 ապրիլին, Սուրբ Զատկուայ Երրորդ կիրակին, Նորին Սրբութիւնը, միշտ յետմիջօրէին
( ժամը 17,30-ին) պատարագ կը մատուցէ Հռոմի Սուրբ Պօղոսի անուան պազիլիքայի մէջ, մինչ
21 ապրիլին` Վատիկանի Սուրբ Պետրոս մայր տաճարին մէջ, առաւօտեան ժամը 9-ին կը նախագահէ
թեմական նոր քահանաներու ձեռնադրութեան արարողութիւնը։ 28 ապրիլին Սուրբ Պետրոսի
հրապարակի վրայ մատուցած պատարագի ընթացքին, առաւօտեան ժամը 10-ին, Հաւատոյ Տարուայ առթիւ
նախատեսուած ձեռնարկներու ծիրէն ներս, ֆրանչիսկոս Սրբազան Քահանայապետը երիտասարդներուն
պիտի մատակարարէ Դրոշմի սուրբ խորհուրդը։Ապա միշտ Հաւատոյ Տարուայ նախաձեռնութիւններու
ծիրէն ներս Սրբազան Հայրը 5 մայիսի առաւօտեան ժամը 10-ին, Սուրբ Պետրոսի հրապարակի վրայ,
''եղբայրակցութիւններու ուխտագնացութեան եւ ժողովրդային երկիւղածութեան'' սուրբ պատարագը
կը մատուցէ, մինչ սոյն արարողութեան նախօրեակին` Սրբազան Հայրը Սանդա Մարիա Մաճճօրէ պազիլիքայի
մէջ, երեկոյեան ժամը 6-ին կը նախագահէ Մարեմեան ամսուայ ջերմեռանդական սուրբ վարդարանի
աղօթքը։