Մամլոյ Ասուլիս Ներկայացնելու Յիսուսեան Միաբանութեան ''La Civiltà Cattolica'' Պարբերաթերթի Նոր Տարբերակը։

Ուրբաթ 5 ապրիլի առաւօտեան ժամը 11,30-ին, Վատիկանի մամլոյ գրասենեակի սրահներուն մէջ, տեղի ունեցաւ մամլոյ ասուլիս, ներկայացնելու` Յիսուսեան միաբանութեան ''Լա Չիվիլթա Գադդոլիքա'' պարբերաթերթի նոր տարբերակի առաջին թիւը։
Մամլոյ ասուլիսի ընթացքին ելոյթ ունեցան, գերապայծառ Գլաուտիօ Մարիա Չելլի` ընկերային հաղորդակցութեանց Քահանայապետական խորհուրդի նախագահը, գերապայծառ Անթուան Գամիլլէրի` Վատիկանի արտգործ նախարարութեան ենթաքարտուղարը եւ հայր Անթոնիօ Սբատարօ` տնօրէնը վերոյիշեալ պաբերաթերթին ։ Մամլոյ ասուլիսը վարեց Սուրբ Աթոռի մամլոյ գրասենեակի տնօրէն` Հայր ֆետերիքօ Լոմպարտին։
Ռատիովատիկանի հետ ունեցած հարցազրոյցի մը ընթացքին Հայր Անթոնիօ Սբատարոն յայտնած է թէ՝ այսօր աւելի պահանջքը կայ ''կամուրջներ կառուցելու Եկեղեցւոյ տեսութեան եւ ժամանակակից ընկերային ու մշակութային կեանքի միջեւ''։ Ան ապա խօսած է պարբերաթերթի նորութիւններու մասին, որոնց շարքին` ''Tablet''ի միջոցաւ ընթերցումը եւ ''google'' ի շնորհիւ ''Լա Չիվիլթա Գադդոլիքա''ի 1850 - 2008 դիւանի ազատ պրպտումը։