Абраны лагатып наступнай Сусветнай сустрэчы сем’яў
Арганізатары VIII
Сусветнай сустрэчы сем’яў, якая 22-27 верасня 2015 г. пройдзе ў амерыканскай Філадэльфіі,
абралі лагатып форума. Ён быў размешчаны на афіцыйным сайце міжнароднага спаткання
(www.worldmeeting2015.org), які дзейнічае на чатырох мовах: ангельскай, іспанскай,
італьянскай і французскай. Лагатып уяўляе сабой звон, на якім бачна выява сям’і, над
якой узносіцца крыж, як знак цэнтральнага месца Хрыста ў жыцці сям’і і Касцёла. Аўтары
лагатыпа выканалі яго ў цёплых колерах, звязваючы гэта з парой года, калі адбудзецца
сустрэча.
Мясцовы арцыбіскуп Чарльз Чапут у сваім спецыяльным пасланні з нагоды
гэтага мерапрыемства падкрэсліў, што Філадэльфія з’яўляецца першым горадам у Паўночнай
Амерыцы прымаючым Сусветную сустрэчу сем’яў. Ён нагадаў, што правядзенне форума ініцыяваў
у 1994 г. Ян Павел ІІ, каб падкрэсліць каштоўнасць сям’і і яе ролю для грамадства.
Іерарх перакананы, што міжнароднае спатканне паспрыяе пазітыўным зменам у амерыканскім
грамадстве.