3 ഏപ്രില് 2013, ഗോവ ഫ്രാന്സിസ് സേവ്യറിന്റെ പൂജ്യാവശിഷ്ടങ്ങള് വണങ്ങാന് പാപ്പാ
ബര്ഗോളിയോ ഗോവയിലെത്താന് സാധ്യതയെന്ന്, ആര്ച്ചുബിഷപ്പ് ഫിലിപ്പ് നേരി ഫരാവോ പ്രസ്താവിച്ചു.
2014-ാമാണ്ടില്
നവംമ്പര് മാസത്തില് ആരംഭിക്കുന്ന ഭാരതത്തിന്റെ ദ്വിതീയാപ്പസ്തോലനായ വിശുദ്ധ ഫ്രാന്സിസ്
സേവ്യറിന്റെ അലിയാത്ത ഭൗതികാവശിഷ്ടങ്ങളുടെ പൊതുപ്രദര്ശനത്തോട് അനുബന്ധിച്ചാണ് പാപ്പായെ
ഗോവയിലേയ്ക്ക് ക്ഷണിക്കണമെന്ന പൊതുഅഭിപ്രായം സഭാ-സാമൂഹ്യതലങ്ങളില് ഒരുപോലെ ഉയര്ന്നിരിക്കുന്നതെന്ന്
ആര്ച്ചുബിഷപ്പ് ഫിലിപ്പ് നേരി മാധ്യമങ്ങളെ അറിയിച്ചു.
ഈശോ സഭാംഗവും കിഴക്കിന്റെ
വിശ്വാസ താരവുമായ വിശുദ്ധ ഫ്രാന്സിസ് സേവ്യറിനോടുള്ള ഭക്തി ഈശോ സഭാംഗങ്ങള്ക്ക് പ്രിയങ്കരമാണെന്നും,
ഈശോ സഭാ പുത്രനായ പാപ്പാ ഫ്രാന്സിസ്സ് ഭാരതത്തിന്റെ ഔദ്യോഗിക ക്ഷണമില്ലെങ്കിലും തീര്ത്ഥാടകനായി
ഗോവയിലെത്തുമെന്ന പ്രത്യാശയിലാണ് താനെന്നും മാധ്യമ സമ്മേളനത്തില് ആര്ച്ചുബിഷപ്പ് ഫിലിപ്പ്
നേരി, വിശദീകരിച്ചു.