Выстаўленне Турынскай плашчаніцы: на паўтары гадзіны па тэлебачанні
30 сакавіка па ініцыятыве
Бэнэдыкта XVI у вернікаў з’явіцца магчымасць адарацыі Турынскай плашчаніцы. Сёння
адбудзецца другое ў гісторыі тэлевізійнае выстаўленне хрысціянскай рэліквіі. Яно будзе
доўжыцца паўтары гадзіны, з 17.15 да 18.50 па італьянскім часе. Каля Плашчаніцы аднаразова
зможа прабываць група з 300 чалавек, хворых і інвалідаў, з 30 апекунамі. Папа Францішак
скіруе сваё відэапасланне да пілігрымаў, якія прыбылі на адарацыю.
Выстаўленне
будзе трансліравацца ў прамым эфіры італьянскага тэлебачання “Rai 1”. Плашчаніца,
у якую цела Хрыста было загорнута пасля яго ўкрыжавання, была ўпершыню паказана па
тэлебачанні 23 ліпеня 1973 г. Сёння яе можна будзе назіраць такім чынам у другі раз.
Падзея атрымала назву “Паводле яго вобразу”. На яе ў Турын з’ехаліся шматлікія пілігрымы.
У 2010 г., калі апошні раз выстаўлялася Турынская плашчаніца, яе адаравала
2 млн. чалавек з усяго свету. Кожнае выстаўленне патрабуе згоды Папы. Яе ўдзяліў перад
сваёй адстаўкай Бэнэдыкт XVI, называючы тады Плашчаніцу “іконай Вялікай суботы”.
За
трансляцыяй можна будзе сачыць таксама з дапамогай смартфонаў, дзякуючы спецыяльнаму
прылажэнню, якое ў базавай версіі будзе бясплатным.