Папата по Велигден ќе ја преземе Латеранската базилика
Папата Фрањо во неделата по Велигден, на 7 април 2013 година во рамките на света Литургија
ќе ја преземе базиликата свети Иван Латерански, ова го изјави отец Ломбарди на прес
конференција во среда. Оваа базилика по традиција е Катедрална црква на римскиот епископ.
Преземањето на базиликата свети Иван Латерански е предвидено со Апостолската конституција
„Universi Dominici Gregis“, каде што се вели дека преземањето треба да се „случи во
разумен рок“.
Базиликата Свети Иван Латерански е римска катедрала, службено
црковно седиште на римскиот епископ, односно папите. Официјалниот назив на латински
гласи: Archibasilica Sanctissimi Salvatoris et sancti et Iohannes Baptista Evangelista
in Laterano (македонски: Архибазилика на Пресветиот Спасител, Свети Иван Крстител
и Свети Иван Евангелист во Латеран. Таа е најстара и прва по важност (како римска
катедрала) меѓу четирите големи папски базилики во Рим и носи почесен наслов на латински
Omnium urbis et orbis ecclesiarum mater et caput, односно Мајка и глава на сите Цркви
во Рим и во целиот свет.
Петкорабната базилика датира од 4 век од времето на
Константин Велики. Со текот на времето многу пати е реновирана и обновувана.
Самата
базилика се наоѓа во градот Рим, надвор од границите на Ватикан, меѓутоа со Латеранскиот
договор базиликата има посебен екстериторијален статус и припаѓа на Светата Столица.