Папа Францішак: вернікі павінны служыць і дапамагаць адно аднаму
Вечарам 28 сакавіка
папа Францішак узначаліў св. Імшу Вячэры Пана ў рымскай калоніі для непаўналетніх
“Casal del Marmo”. Па дарозе да гэтай ўсновы Пантыфіка віталі сотні вернікаў. У самой
літургіі прынялі удзел каля 50 зняволеных і каля 100 супрацоўнікаў і гасцей. 12 хлопцам
розных нацыянальнасцяў і веравызнанняў Папа абмыў ногі. Літургія прайшла ў вельмі
сціплай і простай форме, як гэтага пажадаў сам Пантыфік. Падчас яе гучалі спевы пад
гітару ў выкананні групы вернікаў з руха “Аднова ў Святым Духу”, якія звычайна дапамагаюць
у арганізацыі нядзельнай св. Імшы ў калоніі. У сваёй гаміліі Папа нагадаў пра прыклад
Хрыста, які, напярэдадні сваёй мукі абмыў ногі вучням і заклікаў іх паўтараць гэты
жэст. “Гэта не значыць, што мы кожны дзень павінны мыць ногі іншым”, - сказаў Папа
і патлумачыў, што учынак Пана азначае, што вернікі павінны служыць і дапамагаць адно
аднаму. “Езус прыйшоў менавіта для гэтага – каб служыць і дапамагчы нам”, - сказаў
Папа.