Плошча св. Пятра на Вялікдзень будзе ўпрыгожана 40 тыс. кветак
У Ватыкане ідзе падрыхтоўка
да святкавання Вялікадня. 27 сакавіка Папская рада па сродках масавай камунікацыі
паінфармавала, што з нагоды гэтай урачыстасці галоўная ватыканская плошча і цэнтральны
балкон базылікі св. Пятра, з якога папа Францішак скіруе 31 сакавіка благаслаўленне
“Urbi et Orbi” (Гораду і свету), будуць упрыгожаны букетамі вясенніх кветак. Сёлета
ў дэкарацыі будзе выкарыстана каля 40 тыс. раслін, у тым ліку 20 тыс. цюльпанаў, якія
ахвяравалі галандскія садоўнікі. Яны робяць гэта з 1986 г.
Традыцыйна будуць
дамінаваць кветкі жоўтага і белага колераў, сімвалізуючыя ватыканскі сцяг і велікодную
радасць. Прыступкі, якія вядуць да алтара перад ватыканскай базылікай, дзе папа Францішак
будзе цэлебраваць св. Імшу ў Вялікдзень, упрыгожаць жоўтымі кветкамі. Навокал яго
будуць размешчаны цюльпаны, нарцысы і гіяцынты розных колераў. Лоджыю базылікі св.
Пятра ўпрыгожаць белымі розамі і архідэямі. Пасля ўрачыстасцяў многія з выкарыстаных
у дэкарацыі раслін, у асноўным кустарнікі і дрэвы, будуць перададзены ў ватыканскія
сады.