Рым: білеты на гарадскі транспарт з выявай папы Францішка
Транспартнае агенцтва
Рыма (ATAC) 27 сакавіка выпусціць у абарот больш за 1 млн. білетаў на гарадскі транспарт
з выявай папы Францішка, вітаючага вернікаў з балкона ватыканскай базылікі адразу
пасля абрання на Пасад св. Пятра. Білеты можна будзе набыць у аўтаматах, газетных
кіёсках, спецыялізаваных крамах і на станцыях метро. Кошт білета звычайны – 1,5 еўра.
Мэр Вечнага Горада Джані Алемана адзначыў, што гэтай ініцыятывай улады горада хочуць
павітаць новага Пантыфіка і скласці пажаданні плённага служэння. “Мы спадзяемся, што
папа Францішак, які як арцыбіскуп Буэнас-Айрэса любіў карыстацца метро, зробіць тое
ж і ў нашым горадзе”, - сказаў мэр Рыма.
Раней было выдана 1 млн. білетаў з
выявай Яна Паўла ІІ да яго беатыфікацыі, якая адбылася 1 мая 2011 г. Увесь тыраж разышоўся
імгненна.