Սկիզբ Առաւ Աւագ Շաբաթը։ Յիսուս Քրիստոսի Հրաշափառ Յարութեան Նախորդող Շաբաթը Կը
Կոչուի Աւագ (այսինքն` Մեծ) Շաբաթ:
Մարտ 25` Աւագ Երկուշաբթի: Աւագ Երկուշաբթի օրը Տէրը չորցուց անպտուղ թզենին` խորհրդանշելով
հոգեւոր պտուղ չտուող մարդոց սպասուող պատուհասը: Մարտ 26` Աւագ Երեքշաբթի: Տասը Կոյսերու
յիշատակութեան, ինչպէս նաեւ հրէաներու հարցումներուն Քրիստոսի բացատրութեան ու փարիսեցիներու
յանդիմանութեան օրն է: Նոյն օրը եղաւ նաեւ Երուսաղէմի Տաճարի կործանման կանխատեսումը,
Տաճարէն Քրիստոսի վերջնականապէս հեռանալը: Աւագ Երեքշաբթի օրը Քրիստոս ընդհարուեցաւ փարիսեցիներու
հետ եւ յանդիմանեց անոնց, որոնք ալ վերջնականապէս որոշեցին մահուան մատնել Տիրոջը: Այս
օրը եկեղեցւոյ մէջ կ’ընթերցուի 10 Կոյսերու առակը` իբրեւ յորդոր` առաքինութեան գործերով
նմանելու իմաստուն կոյսերուն: Մարտ 27` Աւագ Չորեքշաբթի: Մեր Տիրոջ մատնութեան, ինչպէս
նաեւ մեղաւոր կնոջ ապաշխարութեան յիշատակի օրն է: Մարտ 28` Աւագ Հինգշաբթի: Մեր Տէր
Յիսուս Քրիստոսի վերջին ընթրիքի յիշատակութեան եւ Ս. Հաղորդութեան խորհուրդի հաստատման
օրն է:Առաւօտեան ժամերգութեան աւարտին կը կատարուի ապաշխարողներու արձակման կարգ: Միջօրէին
կը մատուցուի Ս. Պատարագ ։ Ոտնլուայի արարողութիւնը կը կատարուի օրուայ երկրորդ կիսուն
, մինչեւ երեկոյեան ժամերգութիւն եւ կը խորհրդանշէ այն խոնարհութիւնը, որ ցուցաբերեց
Քրիստոս Իր աշակերտներու հանդէպ: Աւագ Հինգշաբթի, երեկոյեան ժամերգութենէն ետք կը
կատարուի հսկման (Խաւարում) կարգը: Մարտ 29` Աւագ Ուրբաթ: Յիսուս Քրիստոսի չարչարանքներու,
խաչելութեան, մահուան ու թաղման յիշատակի օրն է: Առաւօտեան կը կատարուի ժամերգութիւն
եւ Խաչելութեան կարգ ։ Երեկոյեան կը կատարուի Թաղման Կարգ` հանդիսաւոր թափօրով , որ կը
խորհրդանշէ Յիսուս Քրիստոսի թաղումը: Մարտ 30` Աւագ Շաբաթ: Դժոխքի աւերում, եւ Ճրագալոյցի
Ս. Պատարագ: Շաբաթ օրը Տէրը Մարմնով մնաց գերեզման , իսկ Հոգիով իջաւ դժոխք եւ ազատագրեց
արդար ննջեցեալներու հոգիները: Հուսկ՝ Մարտ 31Կիրակի: Սուրբ Զատիկ: Յարութիւն Մեր
Տիրոջ Յիսուս Քրիստոսի: Տօնական Սբ. Պատարագ: