Ritet e Javës së Madhe të Pashkëve që kryesohen nga Papa
28 mars 2013, e Enjtja e Madhe e Pashkëve: Ati i Shenjtë Françesku do të kryesojë,
duke nisur nga ora 09.30, Meshën e Bagmit, Meshën e bekimit të Vajrave të Shenjta,
në bashkëkremtim me kardinajtë, patrikët, kryeipeshkvijtë, ipeshkvijtë e meshtarët
dioqezanë e rregulltarë.
Gjithnjë të Enjten e Madhe të Pashkëve, më 28 mars,
fillon Treditëshja e Pashkëve. Viti Fesë është atmosfera ideale për të kremtuar Meshën
e Darkës së Mbrame, të cilën Papa Françesku do ta kremtojë me të burgosurit e mitur
në burgun romak Casal del Marmo. Këtë ditë përkujtojmë themelimin e Eukaristisë e
të shërbimit meshtarak, dy dhurata të çmuara të Zotit
29 mars 2013, e Premtja
e Madhe e Pashkëve: Ati i Shenjtë do të kryesojë Liturgjinë e Fjalës së Zotit,
Adhurimin e Kryqit dhe Ritin e Kungimit, në Bazilikën e Vatikanit, duke nisur nga
ora 17.00.
Në orën 21. 15, pranë amfiteatrit romak Koloseut, Papa do
të kryesojë “Udhën e Kryqit”, në përfundim të së cilës do t’u drejtojë fjalën besimtarëve
e do të japë Bekimin Apostolik.
30 mars, e Shtuna e Madhe e Pashkëve – Nata
e Shenjtë, Nata pa gjumë e lutjes kudo ndër katolikë të botës, e kështu edhe
në Bazilikën e Vatikanit, duke nisur nga ora 20.30. Ati i Shenjtë Françesku do
të nis Liturgjinë e Natës më të Shenjtë të fesë së krishterë, Natën e Ngjalljes së
Jezu Krishtit, me liturgjinë e Dritës, bekimin e zjarrit të ri në tremen e Bazilikës
së Shën Pjetrit. Vijon pastaj procesioni në bazilikë, me Qiriun e Krishtit të Gjallë,
Qiriun e Pashkëve dhe Këngën ‘Exsultet’ këngën e kumtimit të fitores së Krishtit mbi
vdekjen, e më pas vijon Liturgjia e Fjalës së Zotit e pasur me lexime biblike, pastaj
liturgjinë e Pagëzimit dhe liturgjinë Eukaristike. Ritet e kësaj Nata të Shenjtë Papa
do t’i bashkëkremtojë me kardinajtë, patrikët, kryeipeshkvijtë, ipeshkvijtë e meshtarët
dioqezanë e rregulltarë
31 mars 2013, e Diela e Pashkëve në Ngjalljen e
Jezu Krishtit Zot.Mesha e Pashkëve do kryesohet nga Ati i Shenjtë Françesku
në tremen e Bazilikës së Shën Pjetrit në ora 9.30. Në përfundim të kremtimit, nga
Lozha qendrore e Bazilikës së Vatikanit, Papa do të japë bekimin Apostolik “Urbi
et Orbi”, “Romës e Botës”.