Ծաղկազարդի , Աւագ Շաբթուան եւ Յիսուսի Փառաւոր Յարութեան Տօներու Առթիւ Եկեղեցական
Արարողութիւնները '
Պուէնոս Այրէսի Տիրամօր Նարեկի Նուիրուած Հայ Կաթողիկէ Եկեղեցւոյ
Մէջ, Կիրակի 24 մարտը Ծաղկազարդի Կիրակի է Յիսուսի Փառաւոր
Մուտքը Երուսաղէմ. Արարողութիւնները սկիզբ կ՝առնեն առաւօտեան ժամը 10.30-ին, Ձիթենիի
ճիւղերու օրհնութեամբ, որմէ ետք Դռնբացէքի արարողութիւնը, Անդաստանը ապա հայածէս ձայնաւոր
Ս Պատարագ։ Հինգշաբթի 28 մարտին- Աւագ Հինգշաբթի օրը, ժամը
19-ին Ոտնլուայի արարողութիւն ապա Ս Հաղորդութեան Պատարագ ի յիշատակ Յիսուսի ՜՜Վերջին
Ընթրիքին՝՝ իր աշակերտներուն հետ, եւ ամբողջ գիշերը եկեղեցին բաց կը մնայ հաւատացեալներու
համար... Ուրբաթ 29 մարտին- Աւագ Ուրբաթ օրը, ժամը 19-ին սկիզբ
կ՝առնեն ս. գրային ընթերցումները, ապա Ճանապարհ Խաչի արարողութիւնը եւ Ս Խաչի երկիրպագութիւն։ Շաբաթ
30 մարտին- Աւագ Շաբաթ օրը ՜՜Ս. Յարութեան Ճրագալոյցին՝՝ ժամը 19-ին
սկիզբ կ՝առնեն ս. գրային ընթերցումները, ապա ճրագալոյցի Ս Պատարագ Կիրակի
31 մարտին, ՝ Տօնն է Տէր Մեր Յիսուս Քրիստոսի Յարութեան, Հանդիսաւոր
Ս Պատարագը ժամը 11-ին է, որմէ ետք պիտի կատարուի Ժողովրդապետութեան (ծխատան) օրհնութիւնը։ Երկուշաբթի
մէկ Ապրիլ հայ տօնացոյցի համաձայն Օր մեռելոց է. մեր Ննջեցեալներու
հոգւոյն համար Ս Պատարագը սկիզբ կ՝առնէ ժամը 19-ին, որուն աւարտին՝ հոգեհանգստեան
պաշտօնը։