Зняволеныя дзіцячай калоніі ўражаны навінай аб візіце Папы
Вялікае здзіўленне
зняволеных рымскай калоніі для непаўналетніх “Casal del Marmo” і супрацоўнікаў установы
выклікала навіна аб тым, што ў Вялікі Чацвер іх наведае папа Францішак. Менавіта тут
Святы Айцец узначаліць св. Імшу Вячэры Пана, падчас якой, абмые ногі дванаццаці зняволеным.
Капелан калоніі “Casal del Marmo” а. Гаэтана Грэка у інтэрв’ю Ватыканскаму радыё расказаў,
што для маладых людзей, гэта стане “вялікім уражаннем, якое пазначыць іх жыццё і прынясе
ў яго станоўчы знак”. Святар выказаў упэўненасць, што візіт Папы будзе звязаны з “вялікай
надзеяй і радасцю”; ён стане стымулам ісці наперад, абвяшчаючы Евангелле ў складаных
месцах.
На тэрыторыі калоніі для непаўналетніх, якую наведае Папа, знаходзяцца
тры палацы: у двух з іх утрымліваюцца хлопцы, а ў трэццім дзяўчыны. Тут яны маюць
магчымасць хадзіць у школу і атрымаць прафесійныя навыкі, звязаныя з апрацоўкай дрэва,
вырабам мэблі, шыццём вопраткі ці прыгатаваннем піцы.
Калонію “Casal del Marmo”
наведвалі таксама Бэнэдыкта XVI у 2007 г. і бл. Ян Павел ІІ у 1980 г. у суправаджэнні
свайго тагачаснага Дзяржсакратара кардынала Казаролі. Апошні, асаблівым чынам клапаціўся
пра маладых зняволеных калоніі, меў з імі добрыя адносіны і быў сярод іх вядомы проста
як айцец Аўгустына.