Մեսրոպեան Վարժարանի Թեքնիք Բաժնի Աշակերտ-աշակերտուհիներու Այցը Զմմառու Վանք։

Մեսրոպեան Վարժարանի թեքնիք բաժնի 30 տարբեր մասնագիտութեան աշակերտ-աշակերտուհիներ, ընկերակցութեամբ չորս ուսուցիչներու Շաբաթ 16 մարտի կէսօրին, Զմմառու Վանք այցելած են:
Հիւրերը ընդունելով՝ Վանքի միաբաններէն եղբայր Գէորգ Ներսէսեան հակիրճ կերպով աշակերտութեան ներկայացուցած է վանքին պատմականը և խօսած Զմմառու Տիրամօր հրաշագործութեան մասին:
Ապա անոնք այցելած են վանքին եկեղեցին, մատուռը և գինեմառանը:
Իսկ Երկուշաբթի 18 մարտ 2013-ին, Զմմառու Պատրիարքական Ընդհանուր Փոխանորդը և Վարչական Հայրերը, այցելած են Հարիսայի Պապական նուիրատուն, Պապական Նուիրակին յայտնելու՝ շնորհաւորութիւնները, նորընտիր Նորին Սրբութիւն ֆրանչիսկոս Քահանայապետի՝ ընտրութեան առթիւ, որ տեղի ունեցած էր չորեքշաբթի 13 մարտ 2013-ին: Պապական Նուիրակ Գերապայծառը ջերմօրէն ընդունած է Պատրիարքական Ընդհանուր Փոխանորդը և Վարչական Հայրերը. որմէ ետք Մեծաւոր Հայրը իր սրտաբուխ մաղթանքները արձանագրած է տեղւոյն ոսկեմատեանին մէջ: