Ватыканскі іерарх: пры Францішку Касцёл страціць сваю еўра-цэнтралізаванасць
З папам Францішкам
Касцёл, на думку прэфекта Кангрэгацыі Веравучэння, страціць сваю еўра-цэнтралізаванасць.
“Я рады і ўдзячны, што праз папскія выбары, быў пастаўлены гэты акцэнт”, - сказаў
арцыбіскуп Герхард Людвіг Мюлер кёльнскаму “Domradio”. Божая любоў асабліва да бедных
і хворых будзе “безумоўна, вялікім пасланнем яго пантыфікату”, - лічыць ватыканскі
іерарх. Гэта нешта іншае, мець прамы кантакт з народам і яго жыццёвай сітуацыяй, чым
чытаць аб гэтым або назіраць па тэлевізары, сказаў арцыбіскуп Мюлер, які шмат разоў
наведваў Паўднёвую Амерыку і напісаў кнігу пад назвай “На баку бедных”. Тады беднасць
ўжо не проста тэарэтычна-акадэмічнае пытанне, але рэчаіснасць, якая звязана з душпастырскім
клопатам, чалавечнасцю і міласэрнасцю. Таму, на думку ватыканскага іерарха, акадэмічныя
тэолагі павінны кіраваць свой позірк і на практыку, каб прапаведаваць людзям, якія
знаходзяцца ў патрэбе і горы, Божую любоў.
Арцыбіскуп Мюлер выказаў спадзяванне,
што на пасадзе прэфекта Кангрэгацыі Веравучэння, са сваімі тэалагічнымі ведамі ён
зможа служыць Папе ў яго ўніверсальным навучанні.