Në Vatikan, presidentja e Brazilit, Rusef: Papa Françeskun e presim në Rio
Takim i përzemërt, me një sy nga Dita e ardhshme Botërore e Rinisë. Kjo ishte audienca
e sotme e Papës Françesku me presidenten e Brazilit, Dilma Rusef. Pas përshëndetjes
me Sekretarin e Shtetit të Vatikanit, kardinalin Tarçizio Bertone dhe me Sekretarin
për Marrëdhëniet me Shtetet, imzot Dominik Mambertì, kryetarja e shtetit brazilian
bisedoi rreth një çerek ore me Atin e Shenjtë, Jorge Mario Bergoglio, të cilin e ftoi
sërish në Rio-de-Zhaneiro për takimin e ardhshëm botëror me rininë, që do të mbahet
në fund të korrikut. Papa Françesku i dhuroi presidentes një kopje të Dokumentit
të Aparesidës, ashtu siç bëri edhe me presidenten e Argjentinës, Kristina Fernandez
Kirchner, të cilën e priti para dy ditësh.