Папа ў “Твітэры”: сапраўдная ўлада – гэта служэнне
Пасля заканчэння інаўгурацыйнай
св. Імшы, якую цэлебраваў на плошчы св. Пятра 19 сакавіка папа Францішак, у яго акаўнце
ў “Твітэры” з’явіліся два паведамленні. Яны перадавалі галоўнае пасланне гаміліі,
якую Святы Айцец прамовіў да вернікаў. У першым Папа заклікаў “бараніць Хрыста ў нашым
жыцці, клапаціцца пра бліжніх і бараніць стварэнне з любоўю”. У другім твіт-паведамленні
Пантыфік яшчэ раз патлумачыў, у чым заключаецца сапраўдная ўлада і як яе павінен рэалізоўваць
Наступнік св. Пятра: “Сапраўдная ўлада – гэта служэнне. Папа павінен служыць усім,
асабліва самым бедным, самым слабым і найменшым”, - напісаў Францішак.