Հայաստանի Քաղաքացիութիւն Ստանալու Դիմում Ներկայացուցած Է 591 Սուրիահայ ։
Սուրիոյ մէջ տիրող պատերազմական վիճակին պատճառով Հայաստանի մէջ ապաստանած 6500 սուրիահայերէն
3000ը ունի նիւթական աջակցութեան կարիք: Այս մասին սփիւռքի նախարարութեան կեդրոնատեղիին
մէջ տեղի ունեցած հանդիպման ընթացքին յայտնած է սուրիահայերու հիմնախնդիրները համակարգող
յանձնաժողովի քարտուղար Լուսինէ Ստեփանեանը: Անոր համաձայն, կարգ մը հասարակական ու
բարեսիրական կազմակերպութիւններու օժանդակութեամբ Հայաստանի մէջ լուծում կը գտնուի սուրիահայերը
յուզող շարք մը խնդիրներու: «Պատերազմի պատճառով 12-13 հազար սիրիահայեր գաղթել են երկրից:
Նրանցից 6500ը հիմա գտնւում է Հայաստանում, 5000-7000ն էլ՝ Լիբանանում: Սիրիահայերի հոգսերը
թեթեւացնելու համար մի շարք իրաւական փոփոխութիւններ են կատարուել եւ հեշտացուել են փաստաթղթային
իրաւակարգերը», նշած է ան։ Դիւրութիւններ տրուած են սուրիահայերուն՝ մուտքի արտօնագիր
ստանալու առումով: Սուրիահայերը ինքնաշարժ վարելու իրենց իրաւունքները կրնան փոխարինել
Հայաստանի մէջ գործող վարորդական իրաւունքով՝ ա-ռանց որակաւորման քննութիւններու: «Ընթացքի
մէջ է նաեւ դիպլոմներրի փոխճանաչման գործընթացը, որպէսզի սիրիահայերն իրենց այնտեղի դիպլոմներով
կարողանան Հայաստանում հեշտ աշխատանք գտնել», դիտել տուած է Ստեփանեան: Սուրիահայերու
հիմնախնդիրները համակարգող յանձնաժողովի քարտուղարը նաեւ նշած է, որ 2012 թուականին 4900է
աւելի սուրիահայ ստացած է Հայաստանի քաղաքացիութիւն: 591 անձ ալ արդէն դիմում կատարած
է՝ քաղաքացիութիւն ստանալու համար: Հայաստանի սփիւռքի նախարար Հրանոյշ Յակոբեանի համաձայն,
սուրիահայերուն համար հիմնական խնդիրները կը շարունակեն մնալ աշխատանք ունենալն ու բնակարանի
հարցերը: «Սիրիահայերի կողմից բարձրացուած բոլոր խնդիրները լուծում են ստացել: Ես շնորհակալութիւն
եմ յայտնում բոլոր հասարակական կառոյցներին, ովքեր իրենց աջակցութիւնը բերեցին սիրիահայերի
խնդիրները լուծելու համար», յայտնած է ան։ Ձեռնարկին ընթացքին ցուցադրուած է նաեւ
Արման Սաղաթելեանի «Արաբական գարնան սուրիական աշունը» հեղինակային 27 վայրկեան տեւողութեամբ
ժապաւէնը։