Вечарам 15 сакавіка
папа Францішак знянацку пакінуў Ватыкан і накіраваўся ў адну з рымскіх бальніцаў,
у якую, з прычыны інфаркту, некалькі дзён таму быў змешчаны 90-гадовы аргентынскі
кардынал Хорхе Мэйя. Святы Айцец прыбыў на машыне ватыканскай жандармерыі і без картэжа
суправаджэння. Раптоўны візіт Пантыфіка выклікаў вялікае здзіўленне персанала бальніцы,
хворых і наведвальнікаў. Многія доўга пляскалі ў далоні вітаючы яго. Пра падрабязнасці
гэтай падзеі у інтэрв’ю нашаму радыё расказала сястра Клацільда, якая суправаджала
Святога Айца падчас візіту. “Па-прыбыцці, Папу сустрэла я і дзяжурны ўрач. Затым ён
адправіўся наведаць кардынала Хорхе Мэйя, які знаходзіцца тут, у клініцы Пія ХІ. Папа
прабыў тут некаторы час і благаславіў хворых, якія былі побач. Ён спытаўся, ці можа
наведаць бальнічную капліцу і тут прывітаў усю нашу супольнасць. Затым мы памаліліся
разам. Калі ў бальніцы даведаліся, што прыехаў Папа, многія супрацоўнікі і ўрачы прыйшлі,
каб атрымаць благаслаўленне. Гэта ўсё было вельмі проста, але таксама вельмі хвалююча”,
- расказаў яна.
Сястра Клацільда распавяла, што Папа паразмаўляў з кардыналам
Мэйям прыватна. Калі благаслаўляў хворых, ён таксама абмовіўся з імі некалькімі словамі.
Стан здароўя кардынала Мэйя ўрачы акрэсліваюць, як стабільны.