Бразільскі кардынал: надышоў час падзяліцца з Паўсюдным Касцёлам нашым досведам
Бразільскі кардынал
Адзіла Шэрэр, арцыбіскуп Сан-Паўлу выразіў радасць з прычыны таго, што на пасад св.
Пятра, быў абраны пурпурат з Аргентыны, з Лацінскай Амерыкі. “Я б сказаў, што гэта
не найважнейшы фактар, але тым не менш важны”, - сказаў ён. Кардынал Шэрэр падкрэсліў,
што абранне Папы нееўрапейца з’яўляецца праяўленнем паўсюднасці Касцёла. “Той факт,
што новы Папа прыбывае з Лацінскай Амерыкі, мае таксама значэнне таму што тут жыве
амаль палова ўсіх католікаў. (...) Мы шмат атрымалі ад Еўропы на працягу чатырох стагоддзяў.
Надышоў час падзяліцца з Паўсюдным Касцёлам часткай нашага духоўнага жыцця і вопытам
нашага касцёльнага жыцця. Гэта вельмі цудоўна, што ў Касцёле існуе падвоены абмен:
даваць і атрымліваць; не магчыма толькі атрымліваць, таксама трэба штосці прынесці”,
- сказаў пурпурат.
Кардынал Шэрэр адзначыў, што Папа, ужо прадэманстраваў сябе
іншым, простым, з новымі жэстамі, якія аднак не адрываюцца ад вялікай традыцыі веры
Касцёла. “Менавіта гэта важна”, - сказаў бразільскі пурпурат.