Ватыканскі філатэлістычны сертыфікат прысвечаны Францішку
Калекцыянеры і ахвярадаўцы
могуць атрымаць спецыяльны філатэлістычны сертыфікат, прысвечаны Яго Святасці папе
Францішку. Яго выдаў Нумізматычна-філатэлістычы аддзел Дзяржавы Ватыкан. Сродкі ад
продажу пойдуць на рэстаўрацыю каланады на плошчы св. Пятра. Як можна было назіраць
падчас трансляцый падзей, звязаных з канклавам, будаўнічыя рыштаванні працягваюць
пакрываць вялікую частку шэдэўра Берніні. Сертыфікат з двума маркамі пагашаны датай
пачатку Пантыфікату – 13 сакавіка.
Ватыканскі Нумізматычна-філатэлістычы аддзел
такім чынам жадае ў другі раз заахвоціць калекцыянераў, аматараў мастацтва, культуры
і гісторыі набыць сертыфікат у ватыканскіх кропках гандлю, запоўніўшы адпаведны бланк,
а грошы накіраваць на рэстаўрацыю каланады. Гэта можна зрабіць таксама праз інтэрнэт
на старонцы Нумізматычна-філатэлістычнага аддзелу: (http://www.vaticanstate.va/content/vaticanstate/it/servizi/ufficio-filatelico-e-numismatico.html).