Գերմանացի Եպիսկոպոսներուն Համար ֆրանչիսքոս Քահանապետին Ընտրութիւնը Շարունակականութեան
Նշան է
Գերմանացի եպիսկոպոսներուն համար ֆրանչիսքոս Քահանապետին ընտրութիւնը շարունակականութեան
նշան է։ Անոր համեստ տեսքը ու յուժկու քարոզները լաւ կը ցոլացնեն նոր Քահանայապետը։ Ան`
որպէս կարտինալ, սովոր էր այցելել հիւանդանոցներն ու բանտարկեալները եկեղեցական մեծ տօներուն
առթիւ։ Արժենթինայի մէջ մեծ յանձնառումով կը գործէր ընկերային զանազան խումբերու հաշտութեան
ի խնդիր։- Զուիցերիոյ եպիսկոպոսները մեծ ուրախութեամբ ընդունած են Նոր Քահանայապետին ընտրութիւնը եւ մեծապէս կը վստահին Ս. Հոգւոյ ներգործութեան վրայ։ ԼատինԱմերիկայէն եկած նոր Քահանայապետը ապացոյց մըն է որ Սրբազան Հայրը համայն Եկեղեցւոյ ծառայութեան համար է
- Բողոքական Եկեղեցին իր կարգին մաղթանք յայտնած է որ նոր Քահանայապետը դառնայ ''կամուրջներ կառուցանող'' մը Հիւսիսի ու Հարաւի, հարուստի ու աղքատի միջեւ, ու եկեղեցիներու միջեւ։ Նոր Քահանայապետը ընտրեց ֆրանչիսքոս անունը ` Ս. ֆրանչիսքոսը գնահատուած էր իր խոնարհութեան ու պարզ կեանքին համար, մեր աղօթքն է որ Ան հաւատաւոր կեանքի մը վկայութիւն տայ ու անոր իշխանութիւնը բխի աղօթքի կեանքէն եւ ոչ նուիրապետութենէն։
| All the contents on this site are copyrighted ©. |