Վատիկանի Պետական Քարտուղարը Կարտինալական Դասին Ներկայացուց Վատիկանի Դրամատան Իրավիճակը։

Երկուշաբթի 11 մարտի առաւօտեան տեղի ունեցած կարտինականա 10-րդ ընդհանուր նիստի ընթացքին, Ս. Աթոռի պետական քարտուղարը եւ Քամերլենկ`կարտինալ Պերթոնէ, որպէս նախագահ Վատիկանի դրամատան, կարտինալական դասին բացայայտեց Վատիկանի դրամատան ներկայ իրավիճակը եւ ցայժմ կատարած ջանքերը համապատասխանելու միջազգային օրէնքին։
Յայտնենք որ Պենետիկտոս ԺԶ նախքան իր Աթոռէն հրաժարիլը կարտինալ Գալկանօ նշանակած է որպէս կառավարիչը Վատիկանի ֆինանսական իշխանութեան։ Նոյնպէս Ան գերմանացի Էրնեսդ Վոն ֆրիպերկ նշանակած է որպէս վատիկանի դրամատան նոր նախագահ ։
Վատիկանի դրամատունը հիմնուած է 1942-ին Պիոս 12-րդ Քահանայապետի կողմէ եւ կը վարէ աշխարհի կրօնաւորական միաբանութիւններու ու թեմերու տասնեակ հազարաւոր հաշիւներ ։Անոր դրամագլուխը շուրջ 5 միլիառ եւրոօ է։