ՄԱՐԴԿԱՅԻՆ ՓՈՐՁՈԻԹԻԻՆԸ

Յաճախ կը հարցնենք թէ ի՞նչ է փորձութիւնը : Աստուծմէ կու գայ թէ՞ Սատանայէն : Ոչ ոք զերծ է փորձութենէն : Ինչպէս որ յատկութիւններ եւ տկարութխններ ունինք, նոյնպէս ալ տարբեր տեսակի փորձութիւններ ունինք :
Աստուած չի փափաքիր բարին պարտադրել, այլ Ան կ'ուզէ որ մարդս ազատ ըլլայ : Որոշ բաներու փորձութիւնը լաւ է : Բացի Տիրոջմէ, ոչ ոք գիտէ թէ մարդուն հոգին ինչ ստացած է իր Արարիչէն : Սակայն փորձութիւնը զայն կը ցուցաբերէ՝ հասկնալու համար մեր թշուառութիւնը, եւ փաոք տալու այն բարիքներուն զոր փորձութիւնը մեզ կը բացայայտէ :
Ոմանք սուտ կը խօսին կամ կը գողնան, իսկ ուրիշներ ծխախոտի կամ խմիչքի փորձութեան կ'ենթարկուին :
Աստուած մարդը չի փորձեր, ոչ ալ չարին փորձութեան կ'ենթարկէ, այլ, ընդհակառակն, Ան կը փափաքի մեզ չարէն ազատել : Մենք Տիրոջմէ կը խնդրենք որ մեզի չ'արտօնէ մեղքին ճամբան բոնել : Մենք «մարմինին եւ Հոգիին» պայքարին կռուախնձորն ենք : Այս պահանջքը հոգիէն կը խնդրէ պայքար եւ զօրութիւն : Սուրբ Հոգին մեզի կ'օգնէ որ ընտրենք մեր փորձութիւնները՝ անհրաժեշտ մեր ներքին անձին ճանաչման :
Փորձութիւնը քրիստոնեային կը ներկայանայ երբ ան կը գտնուի կացութեան մը մէջ ուր երկու կանչեր կը լսէ՝ մին որ զինք կը հրաւիրէ զանց ընելու Աստուծոյ կամքը, իսկ միւսը՝ կատարելու Տիրոջ փափաքը :
Փորձութիւնը քննութիւն մըն է որ հաւատացեալին կամքը կը քննէ :
Սատանային անուններէն մին փորձիչ է եւ անոր նպատակը հաւատացեալը Աստուծմէ հեռացնել է :
Աստուած փորձութիւնը կ'արտօնէ որովհետեւ ան քննութիւն մըն է որ կ'ամրացնէ քրիստոնեայ ին հաւատքը : Սակայն, միաժամանակ, Աստուած կը ստուգէ փորձութիւնները եւ կարելիութիւնները կու տայ զանոնք յաղթահարելու : Աստուած փորձ ութիւնը չի ջնջեր, այլ մեզի կարողութիւնը կու տայ որ անոր չենթարկուինք :

Ի՞նչ ընել երբ փորձութեան ենթարկուինք :
Ա. Դուք ձեզի հարցումներ հարցուցէք, եւ նախքան որ գործէք, նկատի ունեցէք հետեւեալ պատասխանները, «եթէ այս փորձութեան ենթարկուիմ, ի՞նչ են անմիջական եւ ապագայ հետեւանքները ինձ եւ շրջանակիս համար : Արդեօ՞ք պատրաստ եմ գինը վճաոելու : Լաւագոյն միջոց մը կա՞յ այս կարիքին պատասխանելու համար» :

Գտէք ձեր տկար մարզերը : Մեզմէ իւրաքանչիւրը ունի նուազագոյնը մէկ տկարութիւն, եւ եթէ անվստահ էք ձեր տկարութենէն, Աստուծմէ խնդրեցէք որ ձեզի օգնէ զայն յայտնաբերելու :
Գ. Երեւակայացէք ձեր յաղթանակը : Շատ յաճախ պարտութեան կը պատրաստուինք՝ վախնալով որ պիտի զիջինք : Հաւատքը զօրութիւնը ունի նախատեսելու դրական կացութիւններ :
Դ. Բարեկամի շնորհակալ եղէք : Յիսուսասէր եւ գաղտնապահ քոյր մը կամ եղբայր մը ընտրեցէք որ ձեզի կը սատարէ եւ կը հարցնէ. «Այսօր կարողութիւնը ունի՞ս փորձութեան չզիջելու» : Սփոփիչ է երբ բարեկամ մը ունիք որ ձեզմով կը հետաքրքրուի եւ գիտէ թէ ուր կը գտնուիք կամ ինչ կ՚ընէք : Եթէ ամէն օր հաշիւ պիտի ներկայացնէիք անձի մը, Աստուած այդ անձը պիտի օգտագործէ որ ձեզ քաջալերէ :
Ե. Օրուան ընթացքին պահ մը տրամադրեցէք աղօթելու եւ խոկալու համար ըլլայ առաւօտը, կէսօրը կամ երեկոյեան, այնքան ատեն որ Աստուծոյ հետ խորհրդակցութեան ժամանակ կու տաք : Այս մտերմիկ րոպէներուն՝ կարելիութիւնը ունիք ձեր սիրտը բանալու Աստուծոյ որ ձեզի ուժ կու տայ, ձեր հոգին կը վերակենդանացնէ եւ ձեր ուշադրութիւնը դէպի լաւը կ՚ուղղէ :
Զ· Սորվեցէք Սուրբ Հոգիէն կախում ունենալ : Այնքան ատեն որ չէք հասկնար թէ ինչպէս ձեր մէջ ապրող մխիթարիչը կը գործէ՝ ձեզի ոյժ եւ կարողութիւն տալու համար, ձեր բոլոր ջանքերը փորձութեան ընդդիմանալու կախում պիտի ունենան ձեր կարողութիւններէն ու այսպիսով պիտի շարունակեք ձախողիլ : Սակայն, եթէ կ'ուզէք Չարին ընդդիմանալ՝ ձեր պաշտպանութիւնը զօրացուցէք՝ հաւատալով Սուրբ Հոգիին կարողութեան եւ պիտի յւսոթէք :
Փորձութիւնը դրդում մըն է որպէսզի գերազանցենք սահմանները զոր Աստուած սահմանած է մեր բնական փափաքները գոհացնելու համար : Մեր իմաստութեան պակասը մեզ դիւրութեամբ մեղքի կ՚ենթարկէ :

Գէորգ Վրդ. Ասատուրեան