Дата 12 сакавіка назаўсёды
застанецца ў гісторыі, як пачатак канклаву для выбару другога Пантыфіка трэцяга тысячагоддзя.
Да кардыналаў належыць выбар – правесці першае галасаванне сёння або перанесці яго
на раніцу 13 сакавіка. У сераду адбудуцца два туры галасавання раніцай, і, у выпадку,
калі ніводзін з кандыдатаў не набярэ двух трэціх галасоў плюс адзін, мінімум 77 са
115 – яшчэ два ў другой палове дня.
Калі пасля 12 ці 13 тураў галасавання,
не будзе асягнута выніку, кардыналы-выбаршчыкі возьмуць паўзу, не больш чым на 24
гадзіны, для малітвы і абмеркаванняў. У гэтым выпадку кардынал-протадыякан Жан-Луі
Таран правядзе для ўсіх сабраных духоўнае разважанне. Далей, калі будзе неабходна,
пройдзе яшчэ 21 галасаванне, з малітвамі і роздумам пасля кожнага сёмага.
Калі
Пантыфік не будзе абраны на 9 дзень, адпаведна пасля 33 або 34 безвыніковых галасаванняў,
будуць вызначаны два кандыдаты, якія набралі падчас папярэдніх тураў найбольшую колькасць
галасоў. Кардыналам будзе прапанавана прагаласаваць за аднаго з іх. Новым Папам стане
набраўшы звычайную большасць галасоў.
Канклаў лічыцца скончаным, калі абраны
Пантыфік дасць сваю згоду на выкананне Служэння св. Пятра і абярэ сабе імя.